Реалити шоуа, рецептот за уништување на една младина

Реалити шоуа, ефтина духовна храна која се сервира на обичниот тв конзумент, кој наместо своето духовно воздигнување да го побара во читање книги, гледање на документарци, да размислува, тој се храни со голотија, простотија што ги нудат реалити шоуата.

Овие тв програми се опасна соддржина која се нуди на секој млад тв гледач, гледајќи ги неморалот, агресијата кои тие ги нудат, идоли на младите стануваат наркомани и старлети.

Младите наместо да читаат, спортуваат, да вложуваат самите во себе, тие се пијанчат, дрогираат, се уништуваат, неспособни за борба, станувајќи лесна куклена играчка за контролирање од страна на мејнстрим медиумите и нивните властодржци.

Ниту една елита не треба да се грижи за својата иднина со таква младина, бидејќи таа е поставена во духовно ропство, односно таа е мртва.

Ваквата мртва младина заостанува со својот интелект,  со самото тоа тaa нема никаква креативност, мотивација, работни навики, кои од нив ќе направат луѓе, а со самото тоа движечка сила која ќе ја води државата напред.

Токму поради овие причини и уште многу други, реалити програмите мора да бидат забранети со цел да се спречи духовното и интелектуално уништување на нацијата.