Жолти елеци - лекција за прави револуционери

Многу често на самиот блог се дискутирало за тоа како треба да се делува, да не се зборува само на празно туку да се спроведува на дело, да има акции за кои ќе се зборува.

Жолтите елеци се најдобар пример за тоа како треба да се делува, како треба да се спроведе една револуција на дело која ќе даде ефект а не само празна борба за собирање политички поени како нас.

Прво самите Жолти елеци се надидеолошко движење кое е народно, па токму поради тоа самота револуција нема идеолошки предзнак сама по себе иако е насочена кон неспособноста на либералистичките власти.


Првата работа која треба да се научи од оваа револуција е, нема соработка со политички партии !!!!!!!
Сите политички партии се дел од системот и со самото тоа нивна цел нема да биде да го срушат системот, туку само да го превземат за да ги задоволат нивните идеолошки или хедонистички цели.

Втора лекција, нема лидери, има колективно лидерство кое е тајно и подземно, тоа не дава никакви изјави ниту соработува со медиумите, целите на револуцијата само се соопштуваат и ништо повеќе од тоа, нема дискусии по медиуми.

Трето, нема преговори со Влада, владата секогаш ќе понуди преговори, чија што цел е да купи време за да се реорганизира, да ги собере потребните информации за клучните револуционери и да го скрши нивниот дух, наместо преговори, кога владата ќе ги понуди, следува уште пожестока и посилна акција на улица, тоа е финалниот удар против владата по која таа паѓа.

Успехот на Жолтите елеци  докажува дека само underground револуција е единствениот начин за соборување на глобалистите, институционална или политичка (партиска ) борба не даваат никаков ефект, освен засилување на самиот систем против кој треба да се бориш.