СМК - рак рана во македонскиот патриотизам

Светски Македонски Конгрес или скратено СМК е најголемата рак рана со која се соочува македонскиот патриотизам и една од главните причини за неуспех на сите патриотски иницијативи години наназад.

СМК е секогаш мирудија во секоја политичка манџа во Македонија која постојано го закорчува вкусот кај секој патриотско ориентиран Македонец.


Да направиме една кратка анализа за самата организација :

СМК е организација која е креирана да ги обединува сите Македонци во светот и да се бори за македонската кауза  насекаде, но дали е тоа навистина така :


Прво дали вие имате барем еднаш видено било каков финансиски извештај на оваа организација, за тоа како таа се финансира, кои се приходите кои ги остварува, а кои се расходите на која таа ги троши парите за подигнување на македонскиот патриотизам ?

Зошто оваа организација од такво големо значење за Македонецот, нема своја веб страница каде што известува за своите активности ?

Дали оваа организација има отворено барем една народна кујна во која ќе се служат топли оброци за гладните и немоќни Македонци ?

Зошто не се организираат хуманитарни настани, акции со кои ќе се помогнат деца на кои им треба лечење, да се изгради дом на оние семејства кои поради разни причини останале без кров на глава ?

Каква помош донирале и донеле до Македонците во дијаспора , дали имаат донирано бар еден буквар за Македончињата да се описменат, а не да не знаат да бекнат Македонски, дали биле во Мала Преспа, Голо Брдо, Егејот да ги помогнат материјално и духовно Македонците ?


Прашањата може да се редат до недоглед, но одговорот е еден и ист, НЕ.

Затоа логично може да се дојде до заклучок дека СМК е или параван организација на службите за градење на блед "патриотизам" или обична перална на пари преку која некој добро се богати.


За да тргнеме напред, мора прво да се расчисти со плевелот во патриотскиот двор, а СМК е една рак рана која веќе мора сериозно да се лечи.