Лажните месии во политиката

 Еден феномен кој се појавува на целата политичка сцена се лажните месии кои се појавуваат насекаде во светот, носејќи надеж дека ќе го спасат својот народ, дека ќе направат чуда со кои ќе донесат просперитет на својот народ.

Првиот лажен месија е тој што се појави пред пет години во најголемата империја активна во светот, ветуваше чуда, дека ќе расчисти со длабоката држава, дека ќе гради ѕидови, ќе прави чуда во економија, но сепак тој е самиот е дел и беше активен на страна на капиталистите а не на народот, поголемиот дел од ветувањата не ги исполни, иако имаше добри економски политики за одредени региони и дел од народот, беше традиционалист (декларативно), но далеку од месијата која е потребна за победа над неолибералите на кои до пред неколку години и тој самиот припаѓал, будејќи го во мене сомнежот дека токму тој е нивен играч.

Ќе остане запаметен дека само  не започна војна.

Е сега и ние не сме покусо, имаме лажен месија, очила, брада, долга коса и црна кошула се неговиот заштитен знак, говорницата во парламентот е негово светилиште каде што ги држи своите проповеди, во нив го заведува народот, ги плука политичарите , го кажува со уличен жаргон тоа што народот сака да го чуе за нив, ги хипнотизира, народот е среќен, го има својот месија, својот спасител, својот големец, е доказ за тоа што го зборувам сите овие години, овој народ е глуп и тоа глуп со тапија.

Секој е добар проводеник на говорница но што дела има "месијата" на овој народ, која битка ја започнал, додека неговите левичари како шарени куртони се влечеа по судовите, тој им ја зеде партијата, додека на народов продава национализам во својата партија е двојазичен, додека од една страна збори против албанците во другите ги повикува да бидат дел од неговата партија.

Да не заборавиме и да потсетиме, комунистите од Југославија чиј наследник е месијата за време на 1941-1944 кога немаа поддршка од македонскиот народ држеа проповеди за обединета Македонија, за права на Македонците да бидат свои на своето, па кога дојде време да се на власт, ја унаказија македонската азбука и јазик, ја уништија цела македонска интелегенција, ги испозатворија илиденците, па дури и толку славените асномци (суштински предавници), го направија Крвавото Коледе, многу масовни гробници ширум Македонија, петте струмички студенти и.т.н.

Секој лажен месија на свој начин е интелигентен, мора да е добар оратор за да ја зашематува публиката која го слуша, но освен добрите ораторски вештини што ќе ви донесе лажниот месија, дали има дела, дали сте ја прочитале неговата програма, неговите дела, истополовите браќа, права на малцинства и.т.н, човек кој дава поддршка на Северна Кореа и сака Македонија да ја направи спроед истиот политички принцип ќе биде нашиот спасител ?

Младината односно оној  мал дел кој е освестен, национално и политчки свесен и кој го повикувам сите овие години редно е да застане и да се бори во една силна политичка формација, бидејќи доколку не се бори тоа да го спречи, тогаш тие се главните соучесници и помагатели на ваквите лажни месии да ја уништат татковината, со своето неделување тие им го олеснуваат патот па дури и им помагаат во остварувањето на нивните цели, да не сме нивни соучесници и соборци , да застанеме на браникот на родината па ако ништо друго барем да не ја носиме вината на душа за уништувањето на  нашата најмила Македонија.